今晚歐霸32強(qiáng)次回合，曼聯(lián)返主場再斗皇家蘇斯達(dá)?！讣t魔」于首回合大勝4比0，嚟緊聯(lián)賽又要硬撼車路士，今仗留力唔奇，輪換派遣格連活特、丹尼爾占士等生牯仔一樣照攻，加上佢哋每逢出戰(zhàn)歐洲賽都入得又失得，面對(duì)皇蘇隨時(shí)再演入球*，2.5球嘅大盤最好路。

曼聯(lián)首回合于中立場大炒皇蘇4比0，令人喜出望外，畢竟皇蘇係西甲前列分子，冇諗過會(huì)贏得咁輕鬆?！讣t魔」仍有保羅普巴、麥湯米尼同卡云尼等傷兵，般奴費(fèi)南迪斯、拉舒福特縱然繼續(xù)有貨交，但征戰(zhàn)連場鐵人都會(huì)攰，何況嚟緊聯(lián)賽要作客「車仔」，既然喺歐霸已遙遙領(lǐng)先，主帥蘇斯克查隨時(shí)收起主力，養(yǎng)精蓄銳鍊「車」。

不過曼聯(lián)一眾生牯仔同樣有料到，其中早前一度失寵嘅格連活特與丹尼爾占士，近期亦多咗上陣機(jī)會(huì)，后者近兩仗攻入兩粒并交出助攻，表現(xiàn)醒神，而18歲新星阿密特迪亞路，喺對(duì)皇蘇嘅首回合末段入替，其盤扭能力亦非常搶鏡，難得上陣一定搏甩髀。睇番「紅魔」出戰(zhàn)歐聯(lián)例進(jìn)取，歐聯(lián)連歐霸在內(nèi)，今季7場歐洲賽入19粒，但場場都有失波，全開3球或以上，正宗有前冇后。

皇家蘇斯達(dá)冇包袱斗攻　

皇蘇雖然首回合意外大敗，但佢哋有回勇跡象，近4仗取得3勝1負(fù)，狂轟9粒，其中3場開3球或以上，前鋒阿歷山大伊沙克更佔(zhàn)咗6粒，腳風(fēng)轉(zhuǎn)順。儘管皇蘇收復(fù)失地機(jī)會(huì)不大，但預(yù)計(jì)佢哋都想踢番場爭氣波，冇心理包袱下實(shí)斗攻，今仗捧入球大更上算。