美斯遇仇家必定搶韁　　今晚西甲尾場上演西超盃決賽翻版戰(zhàn)，巴塞隆拿主場火併畢爾包。巴塞喺西超盃唔單止輸畀「巴斯克雄獅」，隊長美斯仲打人領紅出場冇曬面，仇人見面分外眼紅，呢位球王急于復仇必定搶韁，加上巴塞近期于聯(lián)賽例打閃擊戰(zhàn)，半場主勝咪錯過。

兩隊喺月中嘅西超盃決賽交過手，畢爾包踢到加時贏3比2封王，嗰場美斯傷愈復出冇盃捧之馀，仲愈踢愈躁，末段揮拳打向維拿利巴塊面，搞到佢攞到自己喺巴塞生涯嘅首張紅牌，幸最終只係被西班牙足總輕判停賽2場。美斯上仗刑滿復出即有入波，協(xié)助巴塞喺西班牙盃以2比1淘汰華歷簡奴，躋身8強，今仗聯(lián)賽再遇仇家，必定加多兩錢肉緊。另一中場法蘭基迪莊狀態(tài)亦弗，近5仗轟入3粒，就算老將布斯基斯坐波監(jiān)亦冇有怕。

畢爾包或「獲利回吐」　　畢爾包自主帥馬些連奴接手后，戰(zhàn)績全面反彈，更成功捧走西超盃，近7場取得5勝1和1負佳績，但要留意輸波嗰場，正正係聯(lián)賽首循環(huán)主場不敵巴塞2比3，嗰場美斯仲省兩粒添，小心佢哋「新帥效應」已過，連場報捷后「獲利回吐」。

睇番巴塞近期出戰(zhàn)聯(lián)賽踢法搶韁，近6場聯(lián)賽獲5勝1和，而5場勝仗全部喺上半場已經(jīng)取得領先優(yōu)勢，其中4次更係先拔頭籌，可見主帥朗奴高文落咗「柯打」，叫球員趁對手未入局搶得就搶，預計今仗都會照辦煮碗，一開波即撳住砌，希望速戰(zhàn)速決，半場主勝有買趁早。